Vrasja e policit serb, Ministria u kërkon mërgimtarëve të shmangin kalimin nëpër Serbi

Ministria e Punëve të Jashtme dhe Diasporës ka reaguar pas pretendimeve të Ministrit të Brendshëm të Serbisë, Ivica Daçiq, për një incident në magjistralen afër Lozincës në Serbi, ku pretendohet se ka mbetur I vrarë një polic serb dhe i përfshirë në këtë rast sipas tij është edhe një shtetas i Republikës së Kosovës.

MPJD njofton qytetarët se do ta mbajë të informuar opinionin publik për këtë rast dhe apelon mërgimtarët dhe qytetarët e Kosovës që të rrisin kujdesin gjatë kalimit nëpër Serbi dhe të shmangin lëvizjen përmes territorit serb.