Koci nga Serbia: E kam gjetur vendin ku është kufoma e Faton Hajrizit
![](https://podujevasot.net/wp-content/uploads/2024/07/photo-output-105-1024x576.jpeg)
Avokati Arianit Koci është duke qëndruar sot në Serbi, ku do të nisë procedurat për kthimin e trupit të Faton Hajrizit, i vrarë më 19 korrik, në Serbi.
Për Indeksonline, Koci ka deklaruar se ka arritur të lokalikozjë vendin ku gjendet kufoma e të ndjerit Hajrizi.
Megjithatë, për shkak të ndjeshmërisë së rastit, Koci thotë se nuk mund të ndajë më shumë detaje për publikun.
Avokati i njohur kosovar, Arianit Koci, ka dhënë një prononcim për Indeksonline lidhur me autorizimin që i është bërë nga familja e Faton Hajrizit për sjelljen e trupit të tij në Kosovë.
Koci ka treguar se tashmë ka arritur në Serbi.
“Mund t’ju konfirmoj që sapo kam arritur në Serbi. Tash po vazhdoj me aktivitete në realizimin e misionit tim. Për momentin nuk mund të jap më shumë informata.
Ka tendenca të qarta që të zvarritet procesi i kthimit të kufomës në Kosovë, por ne do të bëjmë gjithçka nga ana jonë” ka thënë Koci për Indeksonline.