E dhimbshme: 32 vjeçarja u godit për vdekje derisa po e priste autobusin (FOTO)

Mergime Elshani, 32-vjeçare nga Astrazubi i Malishevës, ka humbur jetën dje në Qendren Klinike Universitare të Kosovës pasi në mëngjes ishte aksidentuar nga një veturë.

Burimet e IndeksOnline kanë thënë se e Mergimja në momentin kur është goditur nga vetura ka qenë në stacion duke e pritur autobusin.

Për aksidentin fatal është deklaruar edhe policia.

“I dyshuari derisa ishte duke e drejtuar automjetin e tij, nga pakujdesia e godet veturën e viktimës, më pas godet viktimën- këmbësore. Si pasojë e aksidentit, përveç dëmeve të konsiderueshme materiale, lëndime trupore kanë pësuar i dyshuari dhe dy viktimat,  të njëjtit janë dërguar për tretman mjekësor në QKMF- Malishevë, ku i dyshuari dhe njëri nga viktimat janë liruar në shtëpi, ndërsa viktima femër për shkak të lëndimeve të rënda është dërguar në QKUK, Prishtinë ku dhe ka ndërruar jetë, vdekjen e të cilës e ka konstatuar mjeku kujdestar”, thuhet në raportin e policisë.

Me vendim të prokurorit, i dyshuari është dërguar në mbajtje, ndërsa trupi i pa jetë është dërguar në IML për obduksion./IndeksOnline/