E dhimbshme: Ndërron jetë 19 vjeçarja
![](https://podujevasot.net/wp-content/uploads/2024/04/policia1.jpg)
Një 19-vjeçare nga Klina ka humbur jetën të enjten pasdite në Spitalin Rajonal të Pejës pasi u dërgua në gjendje të rëndë shëndetësore. Për vdekjen e saj tashmë është iniciuar hetim për të zbuluar rrethanat dhe shkakun e këtij rasti të rëndë, raporton Gazeta Sinjali.
Viktima ishte dërguar në spital pasi fillimisht është trajtuar në Qendrën e Mjekësisë Familjare në Pejë, por nuk arriti të mbijetojë përkundër intervenimeve të ekipit mjekësor.
Sinjali ka mësuar se vajza që humbi jetën është Bute Vrankaj.
Bazuar në informacionet e para, viktima është dërguar në QKMF me vjellje e diarre dhe nuk ka pasur shenja të dhunës.
Lajmin e ka konfirmuar edhe Policia Rajonale atje, me ç’rast ka bërë të ditur se është hapur rasti ‘Hetim i vdekjes’ dhe me vendim të prokurorit trupi i pajetë i viktimës është dërguar në IML për obduksion.