Hoxhë Enis Rama del me sqarim për fillimin e muajit të Ramazanit
Ramazani për vitin 1447 Hixhri, respektivisht për vitin 2026, do të fillojë më 19 shkurt, ditën e enjte.
Kjo datë është shpallur zyrtarisht nga Bashkësia Islame e Kosovës, e cila u ka bërë thirrje të gjithë besimtarëve muslimanë në Kosovë që ta respektojnë këtë vendim, ashtu siç veprohet edhe në vendet e tjera sipas autoriteteve përkatëse fetare.
Sipas njoftimit, fakti që disa shtete islame e kanë shpallur më herët fillimin e muajit të shenjtë nuk duhet të krijojë paqartësi apo ndarje mes besimtarëve në Kosovë.
Hoxha Enis Rama ka bërë thirrje për unitet dhe kujdes në shpërndarjen e informacioneve, duke kërkuar që të mos publikohen lajme që mund të hutojnë besimtarët apo të nxisin debate të panevojshme rreth fillimit të Ramazanit.
Ai theksoi se kjo është mënyra si kanë vepruar gjithmonë dijetarët dhe se e njëjta qasje duhet të ndiqet edhe tani, me qëllim ruajtjen e harmonisë dhe respektimit të vendimeve zyrtare fetare.
