E trishtë në Podujevë: 2 vjeçarja humb jetën pasi u rrokullis djepi

Një ngjarje e trishtë ka ndodhur të mërkurën në Podujevë. Fëmija rreth 2 vjeçar i familjes humbi jetën tragjikisht në shtëpinë e tyre, raporton Gazeta Sinjali.

Sinjali ka mësuar detaje të rënda dhe dyshimet e para për vdekjen e vogëlushes.

Sipas informacioneve që posedojnë tashmë organet e rendit, bazuar në dëshmitë e familjarëve, vajza dyshohet se është rrotulluar teksa ishte në djepin ku ishte vendosur për përkundje.

Ky moment tronditi familjen, pasi fëmija ishte në gjumë dhe në momentin që djepi është rrotulluar, dyshohet se është ngufatur nga lidhësja me të cilën ka qenë e lidhur, raporton Sinjali.

Sinjali tutje mëson se në vendin e ngjarjes janë kryer ekzaminimet e nevojshme, ndërsa trupi i pajetë është dërguar në IML për obduksion.

Me urdhër të Prokurorit të Shtetit, rasti është iniciuar “Hetim i vdekjes”.