Aksident i rëndë në Greqi, humb jetën 18-vjeçari shqiptar
Një aksident me fatalitet ka ndodhur sot në Kretë të Greqisë, ku raportohet se një motoçikletë ka dalë nga rruga dhe është përplasur me një shtyllë të vendosur pranë një stacioni të autobusëve.
Për pasojë, nga kjo përplasje ka humbur jetën pasagjeri shqiptar 18 vjeçar, ndërsa drejtues i motoçikletës me origjinë greke ka mbetur i plagosur lehtë, por nga aksidenti rrugor ka pësuar një tronditje të fortë.
Ekipi i shpëtimit ka arritur në vendin e ngjarjes dhe kanë transferuar viktimën në Urgjencën e Spitalit të Chanias.
Mjekët e spitalit kanë njoftuar se viktima kishte goditur me kokë një shtyllë dhe si rezultat i plagëve të marra humbi jetën.
Sipas mediave atje, Policia Rrugore e Chanias është në vendin e ngjarjes dhe po heton motivet rreth këtij aksidenti.
