LDK: Sulmohet dhe kërcënohet sekretari Besim Latifi

Lidhja Demokratike e Kosovës – Dega në Podujevë ka reaguar me një postim në facebook.

Në postim thuhet se sekretari i LDK-së, Besim Latifi është sulmuar dhe kërcënuar.

Më poshtë postimi:

Të nderuar qytetarë,

Sot, rreth orës 17:00, në afërsi të objektit të vjetër të komunës, bashkëpunëtori i ngushtë i Kryetarit Bulliqi, R.H, pa asnjë justifikim dhe problem paraprak ka sulmuar dhe kërcënuar sekretarin e degës, Besim Latifi.

Rasti është raportuar në Policinë e Kosovës dhe, sipas njoftimeve të policisë, i njëjti është duke u trajtuar sipas procedurave të institucioneve të rendit dhe ligjit.

Pushteti lokal në Podujevë, përmes sulmeve të tilla, ka për qëllim ta ndalë zërin opozitar. Ai për ta realizuar këtë nuk është duke zgjedhur as forma, e as veprime. Por, as nuk na kanë ndalur e as nuk do të na ndalin, në përmbushjen e misionit tonë si opozitë e vetme në Podujevë.