Aksident i rëndë trafiku (FOTO)
Një aksident i rëndë ka ndodhur para pak minutash në magjistralen Mitrovicë-Leposaviq, në afërsi të vendit të njohur si “Kërshi i Dudës”.
Si pasojë e aksidentit, një kamion ka humbur kontrollin dhe ka rënë në lumin Ibër, duke shkaktuar disa të lënduar.
Sipas dëshmitarëve, kamioni ka rënë disa metra poshtë rrugës magjistrale dhe është rrotulluar në ujë. Gjendja e të lënduarve nuk është bërë ende e ditur, ndërsa ekipet e shpëtimit dhe policia kanë mbërritur në vendin e ngjarjes dhe po merren me rastin.
Policia po heton rrethanat që kanë çuar në këtë aksident të rëndë.
