Plagoset një grua në Prishtinë
Një incident i rëndë ka ndodhur ditën e sotme në rrugën “Mukadeze Lika” në Prishtinë, ku një grua dyshohet se është plagosur me armë zjarri, raporton Gazeta Sinjali.
Lajmi është konfirmuar nga zëdhënësja e Policisë së Kosovës për rajonin e Prishtinës, Flora Ahmeti, i cila tha se incidenti ka ndodhur rreth orës 12:20.
Si pasojë e plagosjes, e lënduara është dërguar për tretman mjekësor.
“Sot rreth orës 12:20, kemi marrë informatën për një plagosje me armë zjarri të ndodhur në rrugën “Mukadeze Lika” në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në të dhënat fillestare, në këtë rast nga arma e zjarrit është lënduar një person. E lënduara është dërguar për tretman mjekësor”, tha Ahmeti.
