Mësohet sa do të mungojë Ferran Torres

Barcelona të dielen zhvilloi ndeshjen ndaj Deportivo Alaves në La Liga.

Katalunasit ishin mysafir dhe fituan me rezultat 0-3, me 3 gola të Robert Lewandowskit.

Në fillimin e ndeshjes u lëndua Ferran Torres, i cili u zëvendësua me Eric Garcian.

Pas ndeshjes u mësua shkalla e lëndimit të spanjollit. Ferran do të jetë jashtë për 4-5 javë pas dëmtimit me hamstring.

Ai do t’i humbasë ndeshjet ndaj Sevillas, Bayern Munich dhe Real Madrid.