LVV-ja thonë se Podujeva ka arritur zhvillim e perspektivë

Lëvizja Vetëvendosje – Qendra Besianë me anë të një postimi në facebook kanë thënë që Podujeva me qeverisjen e Lëvizjes Vetëvendosje ka arritur zhvillim e perspektivë.

Sipas tyre, kryetari Bulliqi ka realizuar me sukses 5 premtimet e tij të cilat janë: Urgjenca, Stacioni, 4 çerdhe, Galeria dhe Qendra për të Moshuar.

Më poshtë postimi:

Kryetari Shpejtim Bulliqi, në fushatën e tij zgjedhore, kishte bërë pesë zotime kryesore për qytetarët e Podujevës: ndërtimi i Urgjencës së Qytetit, Stacioni i Autobusëve, ndërtimi i katër çerdheve të reja, Qendra për Persona të Moshuar, dhe funksionalizimi i Kinemasë së Hapur dhe Galerisë.

Sot, me krenari mund të themi se të gjitha këto projekte janë realizuar ose janë në fazën finale të realizimit.

Podujeva me Qeverisjen e Lëvizjes ka arritur zhvillim e perspektivë që i kanë munguar për kohë të gjatë. Kjo është një dëshmi e qartë e qeverisjes së përgjegjshme dhe të përkushtuar, duke u përqendruar në nevojat e qytetarëve dhe mirëqenien e përgjithshme.

Krahas realizimit të premtimeve, Qeverisja e Lëvizjes me Kryetarin Shpejtim Bulliqi ka realizuar edhe shumë projekte të mëdha transformuese e zhvillimore për Podujevën.