LAJMI I FUNDIT: Goditet për vdekje një këmbësor (FOTO)

Janë publikuar pamje nga vendi i ngjarjes në fshatin Jashanicë të komunës së Klinës, aty ku një këmbësor është goditur për vdekje nga një veturë.

Mediat lokale kanë publikuar pamje ku shihet viktima ende në vendin e ngjarjes, teksa tashmë edhe ekipet policore kanë dalë në terren.

Lajmin për këtë aksident e ka konfirmuar zëdhënësi i policisë për rajonin e Pejës, Fadil Gashi, i cili tha se ekipet mjekësore kanë dalë në vendin e ngjarjes, teksa ekipet kompetente po kryejnë hetimet për t’i zbuluar shkaqet e aksidentit.

“Vdekjen e viktimës e ka konstatuar ekipi mjekësor në vendin e ngjarjes. Hetuesit e trafikut dhe njësitet tjera relevante po e bëjnë vendshiqimin dhe janë duke i kryer hetimet për të parë se si ka ardhur deri tek ky aksident”, tha Gashi.