Burri rrah gruan, ajo shkon te familja e saj

Një rast i dhunës në familje është raportuar në polici, ku një person dyshohet se ka ushtruar dhunë fizike ndaj bashkëshortes së tij.

Sipas raportit policor, i dyshuari mashkull kosovar është arrestuar nga zyrtarët policorë pasi dyshohet se ka sulmuar fizikisht bashkëshorten e tij.

Ngjarja ka ndodhur në Gjakovë, ndërsa pas incidentit viktima ka vendosur të largohet nga shtëpia dhe të shkojë te familja e saj.

Pas intervistimit nga autoritetet kompetente dhe me vendim të prokurorit, i dyshuari është liruar në procedurë të rregullt, ndërsa rasti mbetet në trajtim nga organet përkatëse. /PodujevaSot