Aksident mes tri veturave, lëndohen tre persona
Një aksident trafiku ka ndodhur mes tri veturave në fshatin Grabanicë të Klinës, më 18.10.2024.
Këtë e ka konfirmuar për KALLXO.com, zëdhënësi i Policisë në Pejë, Fadil Gashi.
Gashi njoftoi se aksidenti mes tri veturave ka ndodhur rreth orës 17:20 dhe janë lënduar tre persona.
“Rreth orës 17:20 në magjistralen Prishtinë – Pejë, pikërisht në fshatin Grabanicë ka ndodhë një aksident, ku kanë qenë të involvuara tri vetura, tre persona janë të lënduar, dy janë dërguar në Qendër të Mjekësisë Familjare në Klinë për tretman mjekësor, një për shkak të lëndimeve [është dërguar] në emergjencë të Spitalit Rajonal [të Pejës]” – ka thënë Gashi.
Sipas Gashit, në vendin e ngjarjes kanë dalë hetuesit e aksidenteve, për t’i kuptuar shkaqet se si ka ardhë deri tek aksidenti.
