Pla:goset një person në Prishtinë
Një incident ka ndodhur mëngjesin e sotëm në Prishtinë, ku në lagjen “Kodra e Trimave” janë dëgjuar të shtëna nga arma e zjarrit. Si pasojë e kësaj, një person ka mbetur i plagosur, raporton Gazeta Sinjali.
Sipas informacioneve të para, ngjarja ka ndodhur rreth orës 07:00 në mëngjes.
Personi i plagosur është dërguar për të pranuar ndihmë mjekësore.
Lajmi për Sinjalin është konfirmuar edhe nga Policia e Kosovës.
“Sot rreth orës 07:00 policia ka marrë informatën për një plagosje me armë zjarri të ndodhur në lagjen Kodra e Trimave në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen ku dyshohet se nga një person është plagosur me armë zjarri dhe i njëjti është dërguar për tretman mjekësor”, ka thënë mes tjerash zëdhënësja e Policisë për rajonin e Prishtinës, Flora Ahmeti.
