Sherifi: Në zgjedhjet e ardhshme NISMA do të hyjë në Kuvend (VIDEO)

Ish-deputeti, Bilall Sherifi ka deklaruar se subjekti politik NISMA do të bëhet pjesë e Kuvendit të Kosovës, në çfardo kohe që mbahen zgjedhjet parlamentare, shkruan Gazeta10.

Ai në Prime Time ka treguar se janë në kontakte edhe partitë tjera, mirëpo që nuk ka asgjë konkrete deri te dakordimi i ndonjë marrëveshje koalicioni.

“E di që në zgjedhjet e ardhshme, kurdo që ato të mbahen NISMA do të jetë në parlamentit të Kosovës. Nuk thash ‘edhe vetë’, por, do të kthehemi në Kuvend. Nuk e di me sa mandate por, sigurisht do të jemi në Kuvendin e Kosovës në mandatin e ardhshëm. Ne jemi në kontakt me partitë tjera, mirëpo s’kemi diçka konkrete. Në 2015-2016 kemi pasur një marrëveshje me AAK-në, me ta kemi pasur zotime reciproke”, tha më tej Sherifi  në Prime Time.