Makina përplas për vdekje këmbësoren

Një aksident me vdekje ka ndodhur mbrëmjen e sotme në aksin rrugor Gjirokastër-Tepelenë, ku një automjet përplasi një këmbësore.

Sipas policisë, aksidenti ndodhi rreth orës 19:50 pranë fshatit Humelicë.

Automjeti, i drejtuar nga një 54-vjeçar, përpasi këmbësoren me iniciale H.M. 62 vjeçe banuese në Tiranë.

Si pasojë e përplasjes, 62-vjeçarja humbi jetën në vendngjarje.

Drejtuesi i mjetit, me iniciale E.M., u shoqërua në polici për veprime të mëtejshme.

Grupi hetimor po punon për sqarimin e plotë të rrethanave të aksidentit.