Disa mësimdhënës të Podujevës ende pa paga

Disa mësimdhënës në Komunën e Podujevës ende nuk kanë marrë pagat për vitin 2024/25.

Kjo situatë ka shkaktuar shqetësime të mëdha në mesin e mësimdhënësve të cilët po përballen me vështirësi financiare, pasi jemi në nëntor dhe ende nuk janë paguar as për muajin shtator.

Portali PodujevaSot sot gjatë ditës dërgoi pyetje te Drejtori i Arsimit, Avni Fetahu, rreth kësaj çështje, por i njëjti nuk është përgjigjur.

Deri në publikimin e këtij lajmi nuk ka asnjë informacion nga Drejtoria e Arsimit rreth kësaj çështje shumë të rëndësishme për mësimdhënësit.

PodujevaSot do të ju mbajë të informuar për këtë rast, nëse nga Komuna e Podujevës përgjigjen.