Kapet i dehur, gjobitet me 300 euro shoferi

Një shofer është ndëshkuar nga policia në orët e para të mëngjesit në Ferizaj, pasi u kap duke drejtuar automjetin nën ndikimin e alkoolit.

Sipas njoftimit të Policia e Kosovës, rreth orës 02:30, në rrugën “Driton Islami”, patrulla policore ndaloi një automjet tip VW Golf me targa vendore. Pas testimit me alkooltest, shoferi I.B. (38 vjeç) rezultoi me 1.12 promila alkool në gjak.

Ndaj tij u shqiptuar gjobë prej 300 euro, 2 pikë negative si dhe masa mbrojtëse – heqje e patentë-shoferit për gjashtë muaj.