Vazhdojnë dorëheqjet në Vetëvendosje
Nënkryetari i dytë i degës së Lëvizjes Vetëvendosje në Lipjan, Fadil Spahiu ka dhënë dorëheqje nga pozita.
Ai një gjë të tillë e ka njoftuar me anë të një postimi në ‘Facebook’, duke thënë se “situata është aspak demokratike”, shkruan lajmi.net.
“Kohëve të fundit jemi përballur me situata aspak demokratike dhe denigruese të udhëheqjes së qendrës sonë, veçanërisht të procesit të zgjedhjeve të brendshme, ku drejtuesi i Grupit Punues duke e keqpërdorur pozitën emëruese nga niveli i tretë organizativ, e favorizon një grup të ngushtë të individëve dhe duke i linçuar dhe distancuar aktivistët, anëtarët dhe simpatizantët e tjerë”, ka shkruar Spahiu.
