Tragjedi: 25 vjeçari, punëtor ndërtimi humb jetën pas goditjes me profil metalik
Një punëtor ndërtimi, i identifikuar si A.G., 25 vjeç nga fshati Vragoli i Fushë Kosovës, ka humbur jetën si pasojë e një lëndimi të rëndë në kokë.
Ngjarja e dhimbshme ka ndodhur më datë 23 nëntor, rreth orës 15:40, në rrugën “Ekrem REXHA”, në një ndërtesë që po renovonte. Sipas informacioneve të para, viktima ishte duke punuar në katin e fundit të ndërtesës kur një profil metalik u shkëput dhe e goditi në kokë.
LEXO EDHE: Vetaksidenti me fatalitet në Dobërdelan, policia jep detaje, viktima një 59-vjeçare
Ekipet e urgjencës kanë mbërritur menjëherë në vendin e ngjarjes, por për fat të keq, nuk kanë mundur të bëjnë asgjë për të shpëtuar jetën e 25-vjeçarit.
Në vendin e ngjarjes kanë dalë hetuesit kujdestar të stacionit dhe Sektori Rajonal i Hetimeve, ndërsa është njoftuar edhe inspektori i punës. Policia, në bashkëpunim me prokurorin kujdestar, është duke hetuar rreth rrethanave të këtij aksidenti tragjik.
