Abdixhiku thotë se ndryshimi po vjen: Koeficient 150, Spital të ri dhe Central me gaz
Në ‘Turneun e Ndryshimit’ në Malishevë, kryetari i Lidhjes Demokratike të Kosovës, Lumir Abdixhiku, ka thënë se slogani Bëhu Ndryshimi është ftesë, thirrje e kushtrim, për secilin në Kosovë që ndihet sot i lodhur nga pritja se ndryshimi do të ndodhë një ditë.
Abdixhiku para të pranishmëve ka përsëritur zotimin e tij për rritjen e koeficientit në 150 euro qysh në javën e parë të qeverisjes.
“Aty ku ata kanë vështruar rritjen e çmimeve e sfidën e përballueshmërisë, ne kemi ofruar paga të larta e të ardhura me dinjitet. Koeficienti 150, që në javën e parë të qeverisë së re, për shërbyesit civil, është zotimi ynë i parë – është vendimi ynë i parë! Një javë, 150”, ka thënë Abdixhiku.
“Aty ku shtrenjtimi i energjisë elektrike s’ka fund, ne kemi plan për Central me Gaz, për stabilitet furnizimi, për një ekonomi të sigurt me partnerë”, ka thënë Abdixhiku.
