Doarsa: Më 5 gusht kam dhënë dorëheqje, nuk kam dashur kurrë t’i bashkohem VV-së

Ish-deputetja e grupit parlamentar të VV-së nga lista Guxo, tashmë pjesë e LDK-së, Doarsa Kica-Xhelilit, ka folur për herë të parë pas largimit të saj që nxiti shumë reagime, raporton Sinjali.

Ajo ka thënë se dorëheqjen nga Guxo e ka dhënë më 5 gusht, duke e njoftuar Faton Pecin dhe Donika Gërvallën, tashmë kryetarë të kësaj partie.

Kica-Xhelili është bërë deputetja më e përfolur në dy ditët e fundit, pas vendimit të saj për të kaluar në LDK. Ajo, mbrëmë, për herë të parë renditi arsyet e daljes së saj nga partia ku e nisi karrierën politike.