Rrokulliset kamioni, Policia jep detaje
Një kamion është rrokullisur sot në Doganaj të Kaçanikut, tek vendi i quajtur “Fusha e Pajtimit”.
Lidhur me këtë aksident kanë dhënë detaje edhe nga Policia e Kosovës.
“Me datën 25.11.2024 , rreth orës 14:20 kemi pranuar një informatë se në rrugën magjistrale Ferizaj – Kaçanik tek vendi i quajtur “Fusha e Pajtimit ,” në Kaçanik është një aksident komunikacioni rrugor, ku është përfshirë një kamion. Veç dëmeve të shkaktuara materiale nuk raportohet për të lënduar”, ka thënë Kanun Veseli zëdhënësi i policisë për rajonin e Ferizaj.
Veseli tha se përveç dëmeve material, nuk raportohet për të lënduar.
Ai tutje tha se Njësia e Hetimeve të Aksidenteve ka dalë në vendin e ngjarjes për të mësuar shkaqet e aksidentit./Indeksonline/
