LAJMI I FUNDIT: Arrestohen disa persona në ‘call center’

Drejtoria për Hetimin e Krimit të Organizuar, konkretisht Sektori për Hetime të Krimeve Kibernetike, ka zhvilluar sot një aksion, në koordinim me autoritetet gjermane – nën dyshimet për veprimtari të kundërligjshme që është ushtruar nga një grup i caktuar, raporton Gazeta Sinjali.

Siç merr vesh Gazeta Sinjali, aksioni është kryer në disa lokacione të ndryshme në Prishtinë, te bizneset që funksionojnë si ‘call center’.

Aksioni i zhvilluar gjatë ditës së sotme nga autoritetet e Kosovës dhe ato të Gjermanisë ka rezultuar me arrestimin e disa personave.

Këta të fundit, siç merr vesh Gazeta Sinjalinga burimet janë shoqëruar në Polici për t’u intervistuar.

Bazuar në informacionet e para, bizneset e regjistruara si qendra të thirrjeve është ushtruar veprimtari në kundërshtim me ligjin, me qëllim të përfitimit të jashtëligjshëm.

Gazeta Sinjali ka kontaktuar edhe Policinë dhe Prokurorinë, por akoma s’ka një përgjigje zyrtare.