Hyseni: 28 Nëntori të na shërbej si reflektim për rrugën përpara

Ekrem Hyseni nga Lidhja Demokratike e Kosovës ka uruar qytetarët për Ditën e Flamurit.

Më poshtë postimi i tij:

Për nder të 28 nëntorit, së bashku me bashkëpunëtor, kemi bërë nderime pranë shtatores së Presidentit historik, dr. Ibrahim Rugova, heronjve të Kosovës, Zahir Pajaziti, Hakif Zejnullahu, Ilir Konushevci, Edmond Hoxha, Ali Ajeti dhe pranë shtatores së veprimtarit Adem Demaçi.

28 nëntori është ndër datat më të rëndësishme historike, e cila ngërthen në vete ngjarje të veçanta si: Ngritjen e flamurit në Vlorë dhe shpalljen e pavarësisë së Shqipërisë, daljen publike të Ushtrisë Çlirimtare të Kosovës dhe ditëlindjen e Komandantit Adem Jashari.

Si datë e si ndjenjë e veçantë, pa dyshim se secilin prej nesh e rikthen në kapërcimet e shoqërisë sonë, për të cilat u sakrifikua jashtëzakonisht shumë.

Përveç si rikthim, 28 nëntori duhet të na shërbej edhe si reflektim për rrugën përpara.