Aksident trafiku, krijohen kolona të gjata

Një aksident trafiku ka ndodhur mesditën e sotme në magjistralen Pejë-Prishtinë, në fshatin Arllat të Drenasit.

Një kamion i aksidentuar me veturë, ka bllokuar njërën pjesë të rrugës duke shkaktuar kolonë të gjatë të automjeteve.

Në vendin e aksidentit ka dalë menjëherë policia e trafikut e cila është duke u marrë me rastin.

Përveç dëmeve materiale ende nuk është njoftuar për të lënduar.