E dhimbshme: Ky është 59 vjeçari që ndërroi jetë
Një ngjarje e rëndë ka ndodhur në familjen Bytyqi në Malishevë, të dielën pasdite, kur vdiq familjari i tyre 59-vjeçar. Rasti po hetohet nga Policia dhe tashmë është konfirmuar, raporton Gazeta Sinjali.
Viktima u dërgua nga familjarët në qendrën emergjente në Malishevë, por fatkeqësisht ishte pa shenja jete.
Sinjali mëson se bëhet fjalë për Naim Bytyqin, vdekjen e të cilit e konstatoi ekipi mjekësor pas ekzaminimeve për shenja vitale.
Nga emergjenca e kanë njoftuar Policinë dhe si rezultat njësitë përkatëse kanë dalë në vendin e ngjarjes.
Me urdhër të Prokurorit të Shtetit, trupi i pajetë është dërguar në Institutin e Mjekësisë Ligjore për obduksion.
Lajmi është konfirmuar edhe nga Policia në Gjakovë.
