Arbenita Berisha i bashkohet VV-së

Këshilltarja e Kuvendit Komunal në Ferizaj, Arbenita Berisha i është bashkuar Lëvizjes Vetëvendosje.

Lajmi u bë i ditur nga një postim i VV-së në rrjetin social facebook. Më poshtë postimi i VV-së:

Arbenita Berisha, këshilltarja e Kuvendit Komunal në Ferizaj i bashkohet Lëvizjes VETËVENDOSJE!.

Dje, në mbledhjen e Këshillit të Përgjitshëm mirëpritëm ardhjen më të re në Lëvizjen tonë të ekonomistes dhe këshilltares komunale në Komunën e Ferizajt, Arbenita Berishës. Arbenita ka qenë një prej këshilltarëve komunal më të votuar në këtë komunë në zgjedhjet e fundit lokale.

Arbenitës i urojmë mirëseardhje sikurse i dëshirojmë suksese në angazhimin e saj politik në subjektin tonë dhe përpjekjeve tona të përbashkëta për një Kosovë të zhvilluar, me drejtësi, siguri e sovranitet.