Isni Kilaj mbetet në paraburgim, refuzohen 40 mijë euro dorëzani

Në Dhomat e Specializuara të Kosovës (DhSK) në Hagë është marrë vendim që Isni Kilaj të mbetet në paraburgim, duke refuzuar propozimin e mbrojtjes së tij për lirimin me kusht.

Vendimin e mori gjyqtarja e procedurës paraprake, Marjorie Masselot, e cila tha se Kilaj përbën rrezik të arratisjes dhe pengim të ecurisë së procesit e po ashtu t’i përsërisë veprat penale.

Ndërsa, asnjë prej kushteve të propozuara nga ana e mbrojtjes sipas gjyqtares nuk janë adekuate për uljen e këtyre rreziqeve.