Vetura e policisë godet këmbësoren

Një aksident trafiku me të lënduar ka ndodhur rreth një orë më parë në rrugën magjistrale Mitrovicë-Leposaviq, njofton “Mitropol”.

Dëshmitarë nga vendi i ngjarjes thanë për “Mitropol” se një grua kalimtare u godit nga vetura e policisë.

Sipas dëshmitarëve, gruaja në fjalë u dërgua për trajtim në Emergjencë gjersa vendi i ngjarjes është rrethuar me shiritë policorë dhe qytetarët s’po lejohen t’i afrohen vendit të ngjarjes.

Kjo informatë u konfirmua për “Mitropol” edhe nga burime të sigurta të gazetës brenda institucioneve të sigurisë.