Bujqit ankohen te Qeveria, duan kompensim për dëmet nga vërshimet

Të mërkurën u mblodhën përfaqësues të krejt fermerëve nga Prishtina e Obiliqi.

Këta kanë një problem të përbashkët: nuk u kompensuan nga qeveria për dëmet që pësuan nga vërshimet e qershorit të vitit të kaluar, raporton Klan Kosova.

Për mospagesat, fermerët thanë që s’kanë lënë derë pa trokitur, por ky nuk do të jetë veprimi i fundit që do të ndërmarrin.

Të dëmtuarit u pritën në takim nga qeveritarët nga ku thanë se morën premtime për një zgjidhje të shpejtë, si dhe bënë me dije që një takim i ngjashëm do të realizohet edhe gjatë të enjtes.

Për këtë çështje, televizioni ka tentuar të marrë një përgjigje edhe nga Qeveria si dhe Ministria e Financave, por që nuk qenë të qasshëm gjatë të mërkurës. /Klankosova.tv