Burri rrah gruan e tij në Podujevë

Një rast i dhunës në mes një burri dhe një gruaje është regjistruar në Podujevë.

Për rastin e rrahjes së burrit me gruan ka njoftuar edhe Policia e Kosovës, ku kanë bërë të ditur se është arrestuar një person por më pas është liruar.

“Është arrestuar i dyshuari mashkull kosovar për shkak të dyshimit se kishte ushtruar dhunë fizike ndaj bashkëshortes së tij femër kosovare. Pas intervistimit viktima me dëshirë ka shkuar në shtëpinë e prindërve të saj, kurse i dyshuari me urdhër të prokurorit është liruar në procedurë të rregullt”, ka njoftuar Policia e Kosovës.