Ekrem Hyseni sot ka mbajtur konferencë – Kjo është arsyeja

Ekrem Hyseni nga Lidhja Demokratike e Kosovës ka mbajtur sot konferencë, ku ka akuzuar Ministrinë e Shëndetësisë për trajtimin e punëtorëve shëndetësorë, e ne veçanti për ikjen e anesteziologëve, raporton Sinjali.

Hyseni alarmoi se listat do të zgjaten me vetëm 48 mjekë anesteziologë, të cilët do të stërngarkohen. Madje ai ironizoi se është shfaqur një pandemi e re, të cilën e quajti si pandemia e paaftësisë së MSH-së.

“Pandemia e re, ose ndryshe pandemia e paaftësisë së Ministrisë së Shëndetësisë. Paaftësia po i lë qytetarët pa shërbime, e profesionistët shëndetësorë po i trajton me lëshomë. Javë më parë nuk ua vazhdoi kontratat mbi 1 mijë profesionistëve shëndetësorë. Rasti i anesteziologëve, pa të cilët mund të funksionojnë kirurgjitë dhe në këtë rast kemi 48, pra lista e pritjes do të zgjatet, nëse vazhdon ky trend, ose do t’i stërngarkojmë këta që i kemi”, tha Hyseni

Ndër të tjerash ai kërkoi dorëheqjen e ministrit Latifi.

“Mos të harrojmë që kohë më parë ministri i Shëndetësisë ka deklaruar se në rast dështimi, ai do të largohet, unë mendoj se është e frikshme nëse dështimet na vijnë nga mospuna dhe paaftësia. Ne mendojmë që gjithë këto dështime janë fakte të mjaftueshme që një ministër duhet të dorëhiqet”, ka thënë ai.