Hyseni: Viti që tashmë po lëmë pas, nuk ishte i lehtë – Familjet tona, shoqëria jonë, Republika jonë ka nevojë për ndryshim
Kandidati për deputet nga Lidhja Demokrtike e Kosovës, Ekrem Hyseni, përmes një postimi në rrjetin social facebook, ka thënë se viti që po lëmë pas, nuk ishte i lehtë. Kishte sfida për secilin nga ne.
Hyseni tutje thotë se familjet tona, shoqëria jonë, Republika jonë ka nevojë për ndryshim!
“Të bashkuar që çdonjëri të jap kontributin e tij, por edhe të çmohet e vlerësohet kontributi i secilit, të respektohet dinjiteti i secilit duke nisur nga: mësuesi, polici, mjeku, ushtari, zjarrfikësi, bujku e çdonjëri që punon për të sotmen dhe të ardhmen e Republikës sonë.”, ka shkruar Hyseni.
Postimi i plotë:
Të dashur miq,
Në këto momente të ndërrimit të moteve, nga familja jonë tek familjet tuaja urimet më të përzemërta e më të sinqerta!
Viti që tashmë po lëmë pas, nuk ishte i lehtë. Kishte sfida për secilin nga ne. Në mënyrë që në vitin në të cilin po hyjmë të mos na përsëriten, duhet të ndryshojmë.
Familjet tona, shoqëria jonë, Republika jonë ka nevojë për ndryshim!
Ka nevojë që e nesërmja të mos na gjejë duke shpresuar për ndryshim, por duke punuar që ndryshimin ta bëjmë realitet.
E këtë do ta bëjmë vetëm të bashkuar!
Të bashkuar në misionin tonë për zhvillimin e Republikës dhe për rrugëtimin e sigurt drejt familjes euroatlantike.
Të bashkuar që çdonjëri të jap kontributin e tij, por edhe të çmohet e vlerësohet kontributi i secilit, të respektohet dinjiteti i secilit duke nisur nga: mësuesi, polici, mjeku, ushtari, zjarrfikësi, bujku e çdonjëri që punon për të sotmen dhe të ardhmen e Republikës sonë.
Sepse, vetëm kështu arrijmë jo vetëm ta fuqizojmë mirëqenien e secilit, por edhe ta fuqizojmë vet Republikën tonë, për të cilën u sakrifikua mjaftë shumë!
Prandaj, sot më shumë se dje, e në vitin 2025 më shumë se në vitin 2024 duhet të punojmë e të angazhohemi secili nga ne në synimin tonë të përbashkët: ndryshimin.
Juve dhe familjeve tuaja, iu uroj shëndet, paqe dhe suksese në vitin 2025!
Urime Viti i Ri 2025!
