Arianit Koci i hyn garës për President

Avokati Arianit Koci do t’i hyjë garës për President të vendit.

Përmes një postimi në Facebook, ai ka kërkuar 30 nënshkrime që të hyjë në garën për të parin e shtetit, por vetëm si kundër-kandidat i Glauk Konjufcës.

Këtë, ai tha se po e bën që vendi të mos hyjë përsëri në cikël zgjedhjesh dhe bllokadash institucionale.

“Për ta formalizuar kandidimin duhen 30 nënshkrime deputetësh. Prandaj, i ftoj deputetët, qoftë të pozitës apo të opozitës, të m’i japin nënshkrimet sot, në mënyrë që të plotësohet kushti i dy kandidatëve për zgjedhjen e Presidentit”.