Ismet Munishi dikur ishte pjesë e LDD-së (VIDEO)

Trajneri i Dukagjinit, Ismet Munishi, ka kujtuar kohën kur para 15 vitesh ishte pjesë e Lidhjes Demokratike të Dardanisë.

Ai tha se ato kanë qenë rrethana krejt të tjera dhe se sipas tij, politikës i ka hyrë vetëm për respektin ndaj akademikut Nexhat Dacit dhe djalit të tij të ndjerë, Arian Dacit.

“Edhe Daci atëherë i pranonte disa sulme nën brez sepse te ne akademikun e sulmonin disa njerëz të pa shkollë dhe kjo ka qenë arsyeja pse jam futur atëherë në politikë”, tha Munishi në emisionin festiv të “Sport Shoë”.

Munishi madje i dha edhe këshilla trajnerit Bylbyl Sokolit, tash kandidat i VV-së për deputet dhe fituesit të edicionit të dytë të Big Brother VIP Kosova, tash kandidat për deputet nga LDK-ja, Lumbardh Salihut.

“Politika është shumë më mirë tash sesa kur ka qenë atëherë, kur iu kam futur unë garës. Vetëdija është shumë më e madhe, ju sugjeroj të bëni fushatë të mirë, fushatë si i ka hije”, iu tha Munishi.