Vidhet argjendaria, publikohen pamjet ekskluzive (VIDEO)

Rastet e vjedhjeve po shtohen në qytete të shumta të Kosovës, ku po e pësojnë qytetarë e biznese të shumta. Një ngjarje e tillë ka ndodhur para pak kohësh në një argjendari në Prizren, raporton Gazeta Sinjali.

Rastin e ka konfirmuar për Gazetën Sinjali, Fahridin Haxhifazliu, familjes të së cilit i përket argjendaria “Filigran Durim Haxhifazliu”, në Prizren.

Ky i fundit ka njoftuar se i është vjedhur një varëse në vlerë të 500 eurove.

Argjendaria gjendet në qendër të qytetit, ndërsa Gazeta Sinjali ka siguruar pamjet ekskluzive të momentit kur kryhet vjedhja.

Aty shihet një grua teksa kap një varëse bashkë me kutinë dhe e fut nën pallton e saj.

Për rastin ka folur edhe Policia.

“Po, është raportuar një rast vjedhje në një argjendari në Prizren, dyshohet se një klient ka vjedhur një zinxhir ari në vlerë të rreth 500 eurove”, tha Shaqir Bytyqi për Gazetën Sinjali nga Policia e Prizrenit.

Me urdhër të prokurorit, rasti është cilësuar ‘Vjedhje’ dhe është nën hetime.