Po vazhdojnë edhe sot kërkimet për gjetjen e 26-vjeçarit, Arban Hisari, i cili është raportuar si i zhdukur që nga 24 dhjetori i vitit 2024, raporton Gazeta Sinjali.

26-vjeçari dyshohet se ka rënë në Lumin Drini, ndërsa kërimet për gjetjen e tij kishin filluar qysh nga 25 dhjetori, por dje ekipit i janë bashkëngjitur edhe njësitë përkatëse të FSK-së.

Operacioni i kërkim-shpëtimit ka përfunduar dje rreth orës 17:00 për shkak të errësirës dhe ka vazhduar sot në mëngjes, me të zbardhur dita.

Policia Rajonale e Prizrenit kanë bërë me dije se kërkimet sot kanë filluar në lumin “Drini I bardhë”  duke filluar në afërsi të “Urës së shenjt”.