Gruaja i hyn shqelma burrit të saj, përfundon në Polici

Numri i rasteve të dhunës në familje, sa vjen e shtohet përditë. Zakonisht viktima janë gratë të cilat përjetojnë dhunë nga bashkëshortët e tyre. Mirëpo në një familje në Fushë Kosovë, e ka pësuar keq burri, i cili dyshohet se është sulmuar fizikisht nga bashkëshortja e tij, raporton Gazeta Sinjali.

Sinjali mëson se rastin në Polici e ka denoncuar 49-vjeçari, i cili ka deklaruar se bashkëshortja e tij e ka sulmuar duke e goditur me shqelma.

Pavarësisht dhunës, viktima nuk ka pësuar lëndime trupore, por ka kërkuar ndihmën e Policisë.