Premtimi i Hamzës, 25 milionë bursa, çdo vit

Votë s’mund të japin, por një kontribut fushate mund ta bëjnë, megjithatë.

Kësi misioni i ngarkoi vetes edhe ndonjë tjetër istogas i ri

Më shumë numra e simbole të Partisë Demokratike të Kosovës simpatizantët i patën kur hynë brenda, ku veç karrigeve normale të shtëpisë së kulturës, pati nevojë të shtohen edhe të tjera.

Meqë as këto nuk qenë boll, tjerët që mbushën sallën mbetën pa u ulur.

Këta nuk u lan ne heshtje kur u lajmëruan se burri qe synon te behet kryeministër, në emër të partisë për të cilën erdhën të bëjnë fushatë, mbërriti.

Ani pse bëjnë thirrje të mos votohet, këtu në Istog ia pranojnë një meritë shefit aktual të ekzekutivit, Albin Kurtit, për një projekt që u bë i famshëm për nga nami, ne fshatin Saradran.

Me ura jo, por me autostrada, të kryera vite më parë, kur në qeveri ishte PDK-ja, u mburr kandidati për kryeministër nga ky subjekt. Në fakt, projekteve për ato udhë, sipas Bedri Hamzës, i dukeshin utopike shumëkujt.

Një premtim për të rinjtë në Istog dhe krejt Kosovës u prit me reagime pozitive nga të pranishmit.

Simpatizantët nuk është se e ndalën turrin e mbështetjes ndonjëherë, e jo pak meritor për këtë entizuazëm ishte njëri nga ta.

Por, për dy emra me të cilët identifikohet PDK-ja dhe tubimet e saj, nuk pati nevojë të nxit dikush entuziazëm.