Doarsa: Po e përdorin Afrim Bunjakun për fushatë
Kandidatja për deputete e Lidhjes Demokratike të Kosovës (LDK), Doarsa Kica-Xhelili, ka komentuar deklaratën e Donika Gërvallës në lidhje me presidentin Ibrahim Rugova në një tubim elektoral.
“Rugova është në GUXO, jo më në lidhjen e re, në rrugën e re, pra në qorrsokak”, tha Gërvalla. Këtë deklaratë, Kica Xhelili e quan ofendim.
Kica Xhelili në emisionin Pressing në T7 tha se Gërvalla si kryediplomate ka punuar krejetësisht kundër ideologjisë së presidentit Rugova.
“Unë mendoj që cdo person që beson në shtyllat e themelet e presidentit Ruogva është ndjerë teper I ofenduar nga kjo deklaratë. Unë ndjejë keqardhje të skajshme që më duhet me komentu një deklaratë të tillë. Fatkeqësia më e madhe është se kjo deklaratë vjen prej një personi që ka pozicion kogja të rëndësishëm, e në atë pozicion ajo ka shkuar krejtësisht kundër ideologjisë së presidentit Rugova. Ka qenë Kosova shtet I pavarur, në integrim në NATO e BE dhe në miqësi të përhershme me SHBA’të, dhe ju e dini saktësisht, maturinë dhe urtësinë e tij me aleatët tanë. Dhe këta e përfaqësojnë atë identitet politik a? Këta që e kanë fy secili aleatë, që Kosovën e ka pru në pikën me qenë e pavarur”.
Tutje, Kica-Xhelili thotë se VV’ja ka manipuluar edhe me Astrit Deharin, e madje shtoi se po e përdorin edhe të ndjerin policin Afrim Bunjaku.
“Ky është ofendim i skajshëm. Këta kanë manipulu me Astrit Deharin derisa erdhën në pushtet, e kur erdhën nuk bonën asgjë. Këta bukfalisht e përdorin Afrim Bunjakun për këtë fushatë. Një person që na takon të gjithëve, ai ka qenë duke e kryer punën e vet, nuk ka shku atje ne emër të VV’së, ka shku në emër të Policisë së Kosovës që është krijuar pa këta”, tha ajo.
