Lumir Abdixhiku: Në LDK po punoj për të pasur prezencë të gruas në të gjitha nivelet politike

Kandidati për kryeministër nga LDK-ja Lumir Abdixhiku, ka thënë se në rast se arrin t’i fitojë zgjedhjet më 9 shkurt, në pozitat vendimmarrëse do të angazhojë më shumë gra.

Por, Abdixhiku tha se kjo nuk do të ndodh veç pse janë gra, por pse janë të zonjat.

“Unë që 4 vite në LDK punoj për me pasë prezencë të gruas në të gjitha nivelet politike, në të gjitha qeverisjet lokale ku kemi pasur rol, të gjitha drejtoritë, nënkryetaret janë gra. Në çdo degë të LDK-së nëse kryetari është burrë me detyrim e kanë që nënkryetarja me qenë grua. Në disa kryesi me detyrim e kanë pjesëmarrjen e gruas. Tashmë kjo është tejkaluar”, tha Abdixhiku në T7.

Ai përmendi degën e LDK-së në Pejë ku tha se 55 për qind e kryesisë janë gra.

I pari i LDK-së foli edhe rreth keqpërdorimit të kuotës gjinore nga ana e burrave, për të avancuar garën e tyre zgjedhore.