Rrezarta Krasniqi: Është koha për t’i dhënë fund keqqeverisjes

Kandidatja e Lidhjes Demokratike të Kosovës (LDK), Rrezarta Krasniqi, ka qenë pjesëmarrëse në një tubim të organizuar nga partia e saj në komunën e Shtimes. Në një postim të saj në rrjetet sociale, Krasniqi ka ndarë entuziazmin e saj për atmosferën e krijuar dhe mbështetjen e madhe të qytetarëve.

“Në Shtime sot u ndje fuqishëm energjia e ndryshimit. Qytetarët janë të bindur se tani është koha për t’i dhënë fund keqqeverisjes dhe për ta kthyer shtetin për së mbari,” ka shkruar Krasniqi, duke përçuar mesazhin e saj për një të ardhme më të mirë për Kosovën.

Tubimi i LDK-së në Shtime ka shërbyer si platformë për të forcuar mesazhin e partisë për ndryshim dhe për t’i ftuar qytetarët që më 9 shkurt 2025 të mbështesin programin e LDK-së në zgjedhjet parlamentare.

Rrezarta Krasniqi është një prej kandidateve të spikatura të LDK-së, e cila ka fituar respektin e qytetarëve si deputete në legjislaturën e kaluar dhe që në këto zgjedhje mban numrin 36 në listën zgjedhore të partisë.