Mehmetaj publikon biseda: Bislimi i kërkonte Krasniqit t’i jepej tenderi një kompanie që s’i plotëson kriteret
Gazetari Lirim Mehmetaj ka publikuar një bisedë në “Whatsapp” mes zv/kryeministrit Besnik Bislimi dhe ish-kryeshefit të KEK-ut Nagip Krasniqit, ku “Bislimi i kërkoi Nagip Krasniqit t’ia jap tenderin një kompanie përkundër se u njoftua se nuk i plotëson kushtet dhe duhet të përjashtohet”.
Sipas Mehmetajt në këtë grup janë kryeministri Kurti dhe ministrat Artane Rizvanolli e Hekuran Murati.
Postimi i plotë:
Në një grup në platformën Whats App ku bënin pjesë, Nagip Krasniqi, Albin Kurti, Besnik Bislimi, Dejona Mihaili, Artane Rizvanolli, Hekuran Murati dhe Milot Kelmendi – bisedat e të cilit grup i kam siguruar – Nagip Krasniqi i njofton ata se si po shkonin punët për tenderin lidhur me “Riparimin kapital të kalldasë së bllokut A5”.
Krasniqi iu shkruan në grup se: Sot komisioni i ka shqyrtuar ofertat: “STEAG nuk e ka dorëzuar dosjen sipas specifikacionit dhe sipas komisionit duhet me diskualifku. “Litwin S.A” një kompani zvicerane po ashtu nuk e ka dorëzuar dosjen sipas specifikacionit dhe sipas komisionit duhet me diskualifiku. I bie që vetëm INTERING (Kosovë) i plotëson kriteret. Këta kanë kërkuar 120 ditë për kryerjen e punëve”.
Përkundër këtij njoftimi, Besnik Bislimi ia kthen: “A ma mirë me i respektu specifikacionet e ma na kushtu 20 milionë më shumë për shkak të vonesave, apo me marrë dikë me direct contrat që e kryen për 60 ditë”.
Pra, Bislimi kërkon që të shkelet ligji, të merret një kompani që nuk i ka plotësuar kushtet, madje të thirret në negocim të mbyllur dhe të shmanget ligji e të mos angazhohet kompania që plotësonte kushtet.
Më e rënda, kjo kompani më pas nuk kryen punën për të cilën ishte angazhuar fare dhe Kosova përfundon me miliona e miliona humbje nga blerja e energjisë elektrike.
Del se me këtë kompani zyrtarë të qeverisë së Kosovës kishin njohje paraprake, prandaj edhe vjen ndërhyrja e Bislimit.
Kjo është hera e parë në Kosovë që i ke në një grup nga kryeministri duke shkelur ligjin me vetëdije të plotë.
Ky është një nga rastet për të cilat po gjykohet Nagip Krasniqi. Prandaj edhe Albin Kurti e mbron.
Ja dhe biseda në Whats App:
