Sonte play-off i Ligës së Kampionëve – City përballet me Realin
Sonte do të luhen 4 ndeshjet e para të fazës play-off të Ligës së Kampionëve.
Ndeshja më e rëndësishme e natës padyshim do të jetë ajo në mes Man City dhe Real Madrid, ndeshje kjo e cila luhet në Angli, në stadiumin Etihad.
Nata e Ligës së Kampionëve hapet fillimisht me ndeshjen Brest – Paris, në ora 18:45, për të vazhduar më pas me 3 ndeshje që luhen në ora 21:00.
Juventus – PSV, Man City – Real Madrid dhe Sporting – Dortmund, do të fillojnë në ora 21:00 dhe transmetohen në kanalet Tring dhe Art Sport.
Kujtojmë që në fazën play-off, që është fazë e re e Ligës së Kampionëve, ka ndeshje të kthimit.
