Podujevë: Shkolla “Shaban Shala” do të bëhet me sallë sportive

Postimi i Shpejtim Bulliqit:

Shkolla “Shaban Shala” do të bëhet me sallë të sporteve

Me kënaqësi ju njoftoj se këtë vit do të nisim edhe një projekt sportiv, atë të sallës së sporteve në Shkollën “Shaban Shala” në qytet.

Me Ministren Arbërie Nagavci kemi nënshkruar marrëveshje mirëkuptimi për realizimin e këtij projekti në vlerë prej 480,000.00 euro, ku 450,000.00 euro i financon MASHTI, kurse 30,000.00 Komuna.

Me realizimin e këtij projekti, nxënësit e kësaj Shkolle do të kenë një vend të përshtatshëm për të mbajtur orët e edukimit fizik dhe shëndetit, nga ku nxënësit mund ta zhvillojnë talentin e tyre sportiv.

Në janar e kemi përuruar sallën e sporteve në Shkollën “Naim Frashëri”, kurse në ndërtim janë edhe sallat sportive në Shkollën “Enver Maloku” dhe ajo në fshatin Sfeçël. Kështu dalëngadalë po e kompletojmë infrastrukturën sportive nëpër shkolla.

P.s fotografi nga arkiva.