Vazhdon numërimi i votave për deputetë, por sistemi i KQZ-së me probleme

Në sallën 1 Tetori në Prishtinë po vazhdon numërimi i votave për kandidatët për deputetë, por sistemi i KQZ-së herë pas here po paraqet probleme. 

Ndryshe, rreth orës 22:00 ka rënë sistemi ku po futeshin të dhënat nga numërimi i votave të kandidatëve për deputetë në Qendrën Komunale të Numërimit në sallën 1 Tetori në Prishtinë.

Po ashtu në një nga tavolinat e numërimit në Qendrën Komunale të Numërimit në sallën 1 Tetori në Prishtinë, është anuluar numërimi i deritanishëm, duke u ripërsëritur për shkaqe teknike, raporton KP.

Sipas komisionerëve që po numërojnë votat, kjo mund të ketë ndodhur ngase një fletëvotim është numëruar dy herë, apo gabimisht është klikuar dy herë i njëjti kandidat për deputet, për çka sistemi ka “lajmëruar” parregullsinë.

Ndërsa për komunat tjera të Kosovës, ai ka theksuar se po bëhen të gjitha përgatitjet dhe numërimi pritet të nisë nga dita e nesërme (e mërkurë).