PodujevaSot në top mediat më të shikuara në Kosovë gjatë muajit janar

Në muajin janar 2025, portali PodujevaSot ka shënuar një rritje të ndjeshme në shikueshmëri, duke u renditur ndër mediat më të ndjekura në Kosovë.

Kjo arritje reflekton përkushtimin e redaksisë për të ofruar lajme të sakta, të shpejta dhe të besueshme për lexuesit e saj.

Sipas të dhënave të fundit, PodujevaSot ka regjistruar një rritje të konsiderueshme, ku gjatë muajit janar ‘engagement’ i faqes kalon 1.2 milionë.

Me këto statistika, PodujevaSot me shikueshmëri kalon shumë televizione, ndërsa në vendin e parë me shikueshmëri renditet Klan Kosova që kalon mbi 1.3 milionë.

Këto statistika janë vetëm për faqen në facebook dhe jo për statistika tjera shikueshmërie.

Lista e top mediave më të ndjekura është me disa televizione dhe disa portale siç janë: Rtv Dukagjini, Korrekt Press, Sinjali, Jepi Zë e media të tjera.

PodujevaSot shpreh mirënjohjen e saj të thellë për besimin dhe mbështetjen e vazhdueshme të lexuesve, duke premtuar se do të vazhdojë të ofrojë përmbajtje cilësore dhe të pandikuar nga interesat e ndryshme.

Kjo arritje është një nxitje për të vazhduar me përkushtim dhe profesionalizëm në informimin e publikut dhe në mbrojtjen e vlerave të gazetarisë së lirë dhe të pavarur.